翠景小炒

翠景小炒這家店也開了很多年了，可能因為地點問題，始終沒有像同類型的店那麼出名，但依然時常滿坐，例湯我很愛，沒有味精，但仍然有味道，雖偏淡，但比起味精例湯，我寧可喝淡一點，每次都點咕嚕肉，算是其中一間我覺得做得最好的，海鮮雖然小貴，但只要你運氣不是很差，味道都相當不錯，算是一間隱蔽但味道不錯的一間小炒，吃厭了銀星，喜運，人人等店的人可以一試


翠景小炒
636 Finch Ave E
North York, ON
416-229-0866 

椒鹽白飯魚

炸得剛好，但有時椒鹽用得略少，但整體味道好好

帶子蒸豆腐

沒有甚麼特別，普普通通的一道菜

蒜蓉豆苗

雖然小貴，但味道不錯，份量大

咕嚕肉

每次必點，炸得脆，肉唔會太多肥，咕嚕汁有山楂味，不會太酸亦不會因為太多醋而難以入口

香港麵家，老闆退休，喜歡的人最近多去去吧

一直很喜歡香港麵家的東西，自家製鹼水麵俗稱細蓉，港式味道，老闆夫婦也很好客，連給出的茶也是比大部份餐館好，麵如果沒猜錯的話是用鴨蛋的，比外面其他的更有咬勁

但老闆夫婦說退休真的對我來說打擊很大呀，雖說他們開這家店也只是打發打發時間，而且多倫多很多地方都有賣鹼水麵(如皇后，天皇那些地方)，但最有香港味道的，莫過於香港麵家了，而且味道也好吃太多了，個人覺得可惜之餘，亦祝老闆夫婦開開心心，好好享受兒女福

最後2周，大家喜歡他們的東西的話，多點去吧

位置在於Hwy7/Kennedy

洋蔥

因為有買緣續緣的VIP卡，所以去了洋蔥試試，周末與平日同價，都係點一個鐵板餐，其他任食，但可選的東西少好少，有炸魚、雞翼、洋蔥圈、等，大部份都係炸物，但鐵板扒味道唔錯，甜品亦唔少，飲品選擇亦頗多，包括各式冷飲，熱茶，熱咖啡，所以好壞參半

周末去，餐廳人算少，有些顧客選擇做聊天的地方，冇他，人少，唔趕人，食飽可以慢慢嘆熱飲，讀書，或同客戶聊天，隨時好過Starbucks，Timmes

PS.我們一致覺得個蘑菇好好食

668 Silver Star Blvd
Unit 201, Scarborough
ON, Canada
TEL: 416 -226 -9988
http://www.onionsteaks.ca

鐵板招牌牛排($16.95)

味道幾好，食得出牛扒原料唔錯

鐵板肉眼牛排($18.95)

好大份。。。。正～

招牌陸空牛排雞排($17.95)

朋友叫，份量都頗大，但牛扒明顯冇其他的好

Cafe Cogo

聽講老細又加價(10-20%)？真係唔怕冇人去咩？叫米芝樂，個老細好想要米芝蓮粒星？難啲喎。。。。

Cafe Cogo明擺同皇后爭，老細開業凱龍船多年，經驗，師傅都有，所以Cafe Cogo一開業，人勁多，唯去咗N次，個燒豬腩肉仍未品嚐過，特色有唔少，尤其港式焗飯，港式西餐，係特別請個酒店西廚過檔嚟做，所以味道多少有點保障，亦係皇后或同系冇嘅，餐廳賣服務，賣裝修，不過嘢都唔算平，不過有時值得去

8261 Woodbine Avenue
Unit 8
Markham, ON L6G 0A9
(905) 944-9418

滷水鴨翼 $2.99，唔係我食，但聽講唔錯，入味，但偏淡

魚鬆魚子炒飯 9.xx? 比較特別，味道唔錯，去咗幾次都有叫，份量冇皇后大，但魚肉頗多，油亦較少，算個人覺得唔錯嘅炒飯

芝麻牛肉？10.xx? 賣相唔錯咖，但食落完全not what you expect囉，以為係香煎牛肉粒，但原來係香炸牛肉粒(重要有粉果隻)雖然不難食，但太特色了。。。有啲接受唔到

椒鹽肉排，味道幾好，不算太油，但有小許淋

荔灣艇仔粥，粥底普普通通，但料足，亦幾新鮮，有燒鴨(吊味)，魷魚，豬皮，魚肉，花生，蔥花，等，但結果味道依然麻麻

甜品：

芒果布丁 $2.99，味道好好，料足，但份量好細，適合情侶，細路都唔夠食啦

甜品：
雪糕pancake， pancake難食到嘔，乾，薄，好似食緊A4紙。。。。甜頭都係去金鳳算啦

山窿粉

山窿粉The Grotto Noodle House
398 Ferrier St Unit 60-63Markham, L3R 2Z5 電話: (905)470-8772

山窿粉都開業好多年啦，偶然一次入去之後就一直時不時光顧，老闆屬家庭式經營，出餐相對比較慢，所以特別餓時就唔好去啦~

份量方面，湯粉類份量略大，亦可+$1加大(面盆)， 飯類方面卻份量相對較細，份量適合女性

雖然是賣越式粉飯，但湯底絕對與其他越南餐廳差很遠，算是中式湯底吧，味道鮮美，雖有味精，但比起越南pho來講，少很多很多了

特別牛肉粉(6.50+1加大)
湯頭屬中式牛骨牛肉湯，亦加有冬菜增其味道，湯的味道特別，有味精，但絕對值得一試，牛肉嫩，牛腩亦不錯，栢葉普通，其他配料亦落足料，呢碗粉基本上每次去都會叫，問題在於選擇甚麼配料罷了

扎肉魚麵
味道還好，扎肉味美，但魚麵沒有想像中好食，味道亦沒有其他餐廳好，較硬身，所以並沒有想像中好食，所以下次應該不會再叫

越式豬肉飯($7.50)
我的最愛之一，豬肉已切成小塊，肉邊有少少焦但亦係我喜歡的地方之一，因為略焦的地方特別好味，肉醃得非常入味，肉質實而嫩，配飯絕對一流，唯份量略小，不適合食量大的朋友

太古小吃

某周末閒來無事，便去了太古遊蕩，順便吃午飯，太古有唔少特色嘅嘢，所以次次去太古都會光顧呢啲小吃店

家鄉煎餅 ($4.50)，自從陽明山莊煎餅勁難食以後，我只會去2個地方食煎餅，其中一個地方就係太古金王朝，味道上偏鹹（放太多臘肉碎，幸好有買bubble tea）餅質地正～，脆中帶餅的黏性，外皮脆口，內裡軟綿，除了偏鹹外，但我已經覺得好正

拉面午時一定大排長龍，正常呀，多倫多除咗太古，邊度重有OK食拉面賣呀？ 雖然呢間啲餸唔係好好食，但拉面的確唔錯，價格又唔貴，所以次次都有買 ， 是日買咗牛腩麵 ($5.5)，牛腩入味，亦軟，值回票價

一直好鐘意真之味嘅咖哩汁，但當日個咖哩汁，淡如水，味道亦冇，簡直失敗，下次都係睇下個汁如何先買

香港小食 Part 1

合益泰
腸粉:一份5蚊
深水埗鴨寮街121號


TBB 趁經有個"少年食神節目，擺明幫個肥仔賣廣告，點睇條友都唔識食。 話說剛好某天等朋友下班，鴨寮街等，點知OT，等到又悶又有啲餓，就排下合益泰，排時人唔多，因為未放工，所以人唔多，腸粉一份5蚊，要咗2份，加醬當然亦係必須的，新鮮的豬腸粉，熱，滑，軟，加上美味的醬，簡直人間一絕，價格便宜，環境雖然係橫街窄巷，而且好多烏蠅盤旋，但這味道，值得嘅，因為如此香港文化，買少見少囉

同一條街有賣牛雜，N年冇食香港嘅牛雜，點可以放過呢？記得小時候，樓下賣牛雜，一架推車仔，加上路過汽車的廢氣，果啲牛雜，簡直人間極品，反正路過就買一份回味一下啦，10蚊一份，味道中等，雖軟，但未完全入味，但勝在回憶當年，呢樣嘢係無價嘅

請見諒

下周要見2份工，太多prep work，這幾天應該沒有時間更新，請見諒

香港美食篇 - 茶餐廳 Part 2

香港其中一間茶餐廳賣點卻不是茶亦非餐，而是雙皮奶，澳洲牛奶公司擁有一個令我摸不著頭腦的店名，但不管你多晚去到，仍然咁多人，當天與朋友Shopping完經過，就順路過去了，將近10點，但全院滿座，伙計問搭台否，當然搭，不然真的等到變宵夜，坐下，點餐，開始聊天，半分鐘不到，嘢食全部上齊。。。。效率有點過份快，價格超平，$30（凍飲+2)，當然不包括雙皮奶啦～



Hong Kong, 佐敦白加士街47號地下
+852 2730 1356

營業時間 ： 星期一至三、五至日: 07:30-23:00
逢周四休息

炒蛋嫩滑，多士亦烘得剛好，叉燒通粉，傳統港式茶餐廳味的湯頭，絕不健康，但亦係心中磨滅不走的一種味道，一種引，奶茶奶味比其他茶餐廳重，亦較香(廢話。。。。)




















                       


重頭戲雙皮奶，奶味超濃，味甜，我才發現食雙皮奶唔可以食太飽（因為我吃了晚飯又掃清了圖片裡的東西。。。。。），食完真係有啲太飽，有點作嘔。。。。以後唔敢食太飽啦。。。。。。。




何洪記，米芝蓮1星，香港老店之一了，算是"正斗"的旗艦店，價格相比下比較便宜，主打雲吞，乾炒牛河，不過SOGO附近的美食，除牛腩，手打魚蛋外，何洪記真的不能不去，下午2，3點，要等位，但不久，10分鐘便有位(當然係搭台啦)，Menu有中，日，英，阿拉伯文，明顯招呼遊客，點了2大主打，同一支懷舊可樂

銅鑼灣霎東街2號‎
+852 2577 6558

http://www.hkwm.com/hohungkee.htm (點解個網頁咁落後嘅。。。。。。)
營業時間 ： 星期一至日: 11:30 - 23:30

雲吞麵先上，碗不大，勉強夠OL醫肚嘅份量吧，湯頭鮮美，號稱大地魚湯的確很鮮味，麵埋著雲吞，亦如電視所謂的一口剛剛好，蝦很彈牙，味道鮮美，雲吞亦留有一條金魚尾，麵亦算不錯，雖非我吃過最好的，但已屬上好，唯份量太細

再上的乾炒牛河，份量不大，一人份量，看落很油，其實入口並沒有想像中嚴重，亦冇焦底，粉新鮮，而且很滑，牛肉冇根，入口嫩但有咬勁，的確值得一吃，比起多倫多高N級了

埋單承惠$104，一個人的午飯算貴的了，而且我只係剛剛飽，但絕對值得一去再去，雖然價格偏貴，但為好食，冇計

香港美食篇 - 茶餐廳 Part 1

因為我一個好朋友要去香港，特別報導一下香港嘅美食

貴嘅，當然第一個會想起鏞記，皇朝等，我呢啲窮人，當然只能去平民消費的地方啦

話說，我永遠記得，越多地盤佬，裝修佬嘅茶餐廳，就通常唔會差得去邊，介紹一下茶餐廳先

記得之前回港旅行，一落機就要地鐵去朋友公司等放工，在深水埗等，又未夠收工時間，第一想去的就是入茶餐廳，涼冷氣，飲奶茶，食啲多倫多食唔到好嘢

講真，深水埗我真係唔熟，所以就隨便入咗間茶餐廳，下午4點，餐廳冇乜人，除咗幾個紋身佬嘆奶茶，不其然地，坐下，點單，見有炒公仔麵，即叫，份量不大，其實我也無俱，畢竟肯定會同朋友吃飯

炒公仔麵絕對香港特色，本身唔健康的炒麵換為更不健康的公仔麵，味道方面，絕對一讚，香港真的隨便一間茶餐廳都比多倫多的好多得多，麵不淋，算乾身，雖油略多，牛肉份量算少，但沒有放疏打粉，值得一讚，味道比多倫多好太多了，奶茶亦非常好飲，茶味濃，奶味亦香，由於多倫多剛下機，＄7港幣一杯的奶茶突然覺得好平，連叫2杯，吃罷，滿足呀～

翠華相信港人都很熟悉了，最近上海開了家分店，雖然在上海來說已屬不錯，但比起香港的翠華仍差一截，香港翠華分店真係好多，有次去旺角，店名並非翠華，但一入內，連廣告都與翠華一樣，唯缺少翠華二字而已，覺得翠華最便利的地方就係可以用八達通，放便，快捷，一嘟就掂

翠華價格略貴，不過下午茶價格卻很便宜

http://www.tsuiwahrestaurant.com/

第一次點的是Menu上推薦的十大之一海南雞飯

送老火例湯，但明顯有味精的味道，雞嫩，味道不錯，皮肥，味重，送飯一流，飯內雞油味重，亦香，諷刺的一說，我覺得個飯最好味

翠華中環店下午茶餐，平靚正，＄30有碗份，有杯奶茶，粉滑，魚蛋彈牙，雖然魚味不重，但已比多倫多所有我吃過的魚蛋好尾得多，湯味濃郁，雖然有味精味，但真的很好味，進食時看到瑞士汁雞翼，由細到大都未試過，好奇就點了一份，雞翼巨型，但味道頗失望，少少甜，老抽味，就冇其他味道了，皮肥，肉嫩，但不入味，對多年期待的瑞士汁頓然失望

明天待續.....